Қазақстанда алғаш рет: Дания Корольдік театрының әртістері Алматыда эксклюзив бағдарлама қоймақ

Дания корольдік театрының әртістері Алматы сахнасында эксклюзив бағдарлама қоймақ.

1748 жылы негізі қаланған Еуропаның ең көне театрларының бірі Алматы сахнасында өнер көрсетпек.

«Дания корольдік театрының жұлдыздары Алматыда» деп аталатын гала-концерт – Қазақстан өнер әлеміндегі айрықша оқиға. Балет сүйер қауымға әлемдік классикалық және заманауи хореографияның озық үлгілері ұсынылмақ. Бағдарламада дат балетінің мақтанышы — Бурнонвиль техникасымен қойылған сирек спектакльдер де бар.

Бұл – жай ғана концерт емес, бұл – әлемдік балеттің бірегей жетістігін тамашалауға мүмкіндік беретін Қазақстан мен Еуропа арасындағы мәдени көпір.

Дания корольдік театры – Еуропадағы ең жетекші театрлардың бірі әрі әлемдегі ең көне театрлардың бірі. Әрі бұл театр әлемде бірегей саналатын Бурнонвиль стилімен танымал.

Концерт аясында шетелдік мамандардан балеттің қыр-сырын үйренуге мүмкіндік беретін, балаларға арналған воркшоп пен мастер-класс өтеді. Бұл жас таланттарды қолдау және мәдени байланысты нығайтуға бағытталған.

Концерт 27 маусым күні Almaty Theatre-да өтеді. Басталуы: 19:00.