Мемлекет басшысы Қасым-Жомарт Тоқаев Гонконг қаласында болған алапат өртке байланысты Қытай халық республикасының төрағасы Си Цзиньпинге көңіл айтты, деп хабарлайды Aristocrat.biz..

Бұл туралы Ақорда хабарлады. “Қасым-Жомарт Тоқаев Гонконг қаласында болған алапат өрт салдарынан көптеген адамның қаза табуына байланысты Си Цзиньпинге және барша Қытай халқына көңіл айтты. Президент зардап шеккендердің тезірек сауығып кетуіне тілектестігін білдірді”, – делінген хабарламада. 

Еске салсақ, Гонконгта 4000 адам тұратын тұрғын үй кешені түгелдей өртенгені туралы хабарлаған едік. Өрттен 50-ге жуық адам қаза тапты.