Қазақстанның Ресейдегі елшісі Дәурен Абаев референдумда мақұлданған жаңа Конституция Қазақстанның Ресеймен сенімді әріптес болып қала беретінін және орыс тілінің мәртебесі сақталатынын мәлімдеді, деп хабарлайды Aristocrat.biz Ulysmedia.kz-ке сілтеме жасап.

Абаевтың айтуынша, Конституция мәтінінің қазақ және орыс тілдерінде бірдей заңды күшпен жариялануы – мемлекет тарапынан орыс тілі мен орыс тілді азаматтарды қорғауға ұмтылыстың айқын көрінісі.

Сондай-ақ ол жаңа Конституция адам құқықтарын қорғауға басымдық беретінін және елдің ұзақ мерзімді дамуына жағдай жасайтынын атап өтті.

• — Қазақстан халықаралық аренада Ресейдің сенімді әрі болжамды серіктесі болып қала береді. Елімізде орыс тілінің жоғары мәртебесі сақталады. Президент Қасым-Жомарт Тоқаев атап өткендей, Конституция мәтінінің қазақ және орыс тілдерінде тең заңды күшке ие болуы – мемлекетіміздің орыс тілі мен орыс тілді халықты қорғауға бағытталған дәйекті саясатын көрсетеді, — деді Дәурен Абаев.

Бұдан бөлек, ол референдумды бақылауға қатысқаны үшін Ресейге алғыс білдірді.