Нұрсұлтан Назарбаевтың немере інісі Қайрат Сатыбалдының экс-әйелі Ulysmedia ютуб арнасына сұхбат берді. Ашық диалогта бұрын еш жерде жарияланбаған шындықтар айтылды, деп хабарлайды Aristocrat.biz  ULYSMEDIA-ға сілтеме жасап . Асылжан Есенқызы экс күйеунінен көрген қорлығын бүкпесіз баяндады. 

Асылжан Есенқызы – Нұрсұлтан Назарбаевтың немере інісі Қайрат Сатыбалдының экс-әйелі. ULYSMEDIA-ға  сұхбат берген Асылжан алты жасар «науқас» қызымен бірге тұрып жатқан үйінен қуылып жатқанын хабарлады. Сатыбалдының «тоқалы» болып жәбір көргенін, жүкті кезінде таяқ жегенін, Назарбаевтар отбасына сіңісе алмағанын айтты.

«Қайрат Сатыбалды жауапты мемлекеттік лауазымдарда жүрсе де, уақытын әйел алумен, бірнеше рет үйленумен, тұрмыстық жанжалдармен өткізді»-  деді.