Атырау облыстық Полиция департаменті 6 қаңтарда Қызылқоға ауданына қарасты Жангелдин ауылы тұрғындарының өліміне байланысты күдіктіні ресми түрде іздеуге жариялады, деп хабарлайды Aristocrat.biz.
Мәліметтерге сәйкес, қылмысқа күдікті ретінде отбасының 29 жастағы күйеу баласы – Атырау облысы Махамбет ауданының тұрғыны Сұлтан Сәрсемәлиев көрсетіліп отыр. Тергеу барысында құқық қорғау органдары бұл іске өзге адамдардың қатысы бар-жоғын да анықтауда.
Еске сала кетейік, 25 желтоқсан күні отбасының туыстары олардың із-түзсіз жоғалып кеткені жөнінде полицияға арызданған. Ал 6 қаңтарда ерлі-зайыптылар — Максот пен Нәсіптің мәйіттері табылды. Қазіргі уақытта олардың балаларына қатысты іздестіру шаралары жалғасып жатыр.
Құқық қорғау органдары тұрғындарды тек ресми дереккөздерге сенуге және тексерілмеген немесе жалған ақпарат таратпауға шақырды.
