Автор Индира Тлегенова

Келер маусымның сәні – эклектикалық фактуралар мен қарама-қайшы стильдердің тоғысы

Tagwalk платформасы 2026 жылдың көктем-жаз маусымының сән қорытындысын шығарды: алда бізді эклектика мен жарқын түстерге толы кезең күтіп тұр. Келесі көктемде сәнқойлар іш киім стилін батыл қолданып, маскулиндік пен феминдіктің контрастымен ойнайды.

Минимализм мен колорблокинг те өз орнын сақтап, ал блейзер кез келген жағдайға сай келетін әмбебап киім ретінде гардеробтың негізіне айналады.

Дизайнерлер бұл маусымда фактураларға ерекше мән берген: подиумдарда желбіршектер, шашақтар, қауырсындар және гүл өрнектері көздің жауын алды. Khaite көрсетілімінде былғарының кез келген маусымға арналған мінсіз фактура екені тағы бір дәлелденді. Ал маусымның басты реңктері ретінде сары, күлгін және Prada көрсетіліміндегі көпшілік талқылаған қызғылт сары түс танылды.